رَسیدی ٹکٹ | امرتا پریتم

ایک دفعہ ایک اردو مشاعرے پر لوگ ساحر سے آٹو گراف لے رھے تھے، لوگ کچھ منتشر ھوئے تو میں نے ھنس کر ھاتھ کی ھتھیلی ساحر کے آگے کر دی اور کہا ، آٹو گراف!

ساحر نے ھاتھ میں پکڑے پین کی سیاھی اپنے انگوٹھے پر لگا کر وہ انگوٹھا میری ھتھیلی پر لگا دیا جیسے میری ھتھیلی کے کاغذ پر دستخط کر دیے اس کاغذ کی کیا عبارت تھی جس کے اوپر اس نے دستخط کیے یہ سب ھواؤں کے حوالے ھے.

یہ عبارت نہ کبھی اس نے پڑھی نہ زندگی نے، اسی لیے کہہ سکتی ھوں کہ ساحر ایک خیال تھا ، ھوا میں چمکتا ، شاید میرے اپنے ھی خیالوں کا ایک جادو۔ لیکن امروز کے ساتھ گزاری زندگی ، ابتدائی کچھ سالوں کو چھوڑ کر ایک بیخودی کے عالم تک پہنچ گئی۔

ایک دن کسی آئے مہمان نے میرا اور امروز کا ھاتھ دیکھا تو مجھے کہنے لگا ، ”تمہارے ھاتھ میں دولت کی بڑی گہری اور لمبی لکیر ھے تمہیں زندگی میں کبھی دولت کی کمی نہیں آ سکتی“ ، لیکن امروز سے کہنے لگا ، ”تمہارے پاس دولت کبھی نہیں ٹھہرے گی , تمہارے ھاتھ کی لکیر جگہ جگہ ٹوٹتی ھے“.

امروز نے اپنا ھاتھ میں میرا ھاتھ پکڑ کر کہا ، ”اچھا ،

پھر ھم دونوں ایک ھی لکیر پر گزارا کر لیں گے“

”امرتا پریتم “