| Book Details | |
| ISBN | 978-969-652-055-9 |
| No. of Pages | 136 |
| Format | Hardcover |
| Publishing Date | 2016 |
| Language | Urdu |
تیجا سنگھ، راولپنڈی کے مشہور گاﺅں اڈیالہ میں 2جون 1894ءکو ایک ہندو گھرانے میں پیدا ہوئے۔ انہوں نے نہایت کم عمری میں ہندومت چھوڑ کر سکھ مذہب اختیار کرلیا۔ اُن کی زندگی بھرپور جدوجہد سے لبریز ہے۔ تیجاسنگھ نے انتہائی مشکل حالات میں بھی سکول کی تعلیم جاری رکھی۔ اپنی تعلیمی اورعملی زندگی کے سفر میں راولپنڈی اور سرگودھا سمیت متعدد شہروں میں وقت گزارا۔ اپنی تعلیم جاری رکھنے کے لیے انہوں نے علاقے کے دیہات میں ستار بجانے کو آمدن کا ذریعہ بنایا۔ انہوں نے راولپنڈی کے معروفِ زمانہ کالج گورڈن کالج سے انگریزی ادب میں ماسٹرز کی ڈگری حاصل کی۔ اُن کو فارسی، اردو، سنسکرت اور انگریزی زبانوں پر بھرپور عبور حاصل تھا۔ متعدد تصانیف اور درس وتدریس کے علاوہ انہوں نے انسانی حقوق کی جدوجہد میں بھی اپنا حصہ ڈالا اور سکھوں کے حقوق کے حوالے سے بھی شناخت حاصل کی۔ زیرنظر کتاب اُن کی مختصر مگر بڑی دلچسپ سوانح عمری ہے۔ ایک ایسے شخص کی کہانی جس نے جنم، جوانی اور عملی زندگی کا آغاز غیرمنقسم پنجاب میں کیا۔ یہ کتاب اس لیے بھی دلچسپ ہے کہ اس کے مطالعے سے معلوم ہوتا ہے کہ اُس دَور کا پنجاب کیسا تھا۔ ایک ایسے پنجاب کی کہانی جہاں صرف مسلمان پنجابی ہی نہیں بلکہ سکھ اور ہندو پنجابی بھی آباد تھے۔ تقسیمِ پنجاب سے پہلے اور کچھ سال بعد کی ایک پنجابی کی سرگزشت۔
